Para asociacións de comerciantes
Que os teus socios vexan todo o que a asociación move por eles
InfoLocal é a app da rede de comercios da túa asociación. Con compras verificadas por código QR e informes mensuais que amosan o que a rede achega a cada socio.
- Informe mensual do impacto nos teus socios
- Campañas con premios da rede
- Taboleiro para falar coa veciñanza
«E que fai a asociación por min?»
Organizas campañas, feiras e horarios especiais, pero chegan a pouca xente e ninguén as mide. Na asemblea custa amosar con datos o que fai a asociación.
Con InfoLocal, a túa asociación pasa de facer campañas soltas sen medir a ter unha canle propia coa veciñanza, unha fidelización que reparte as compras por toda a rede e resultados que se poden amosar en cada asemblea.
Resultados
Un informe mensual que fala por ti
O panel «Impacto no comercio» compara cada período co anterior. Os seus informes mensuais en PDF están listos para a xunta directiva, a memoria anual ou a xustificación dunha subvención.
- Compras verificadas, veciños que compran, clientes que repiten e clientes que compran en varios comercios
- Visitas por categoría, que comercios se complementan e os máis visitados
- Instalacións, comercios activos e actividade: premios, ofertas, anuncios e mensaxes
Só ves totais. Se un dato vén de menos de cinco persoas, aparece como «Poucos datos».
Comunicación
Fala coa veciñanza da túa zona sen depender de carteis
Publica no taboleiro de anuncios campañas, feiras e horarios especiais. Cando algo é importante, envíao como notificación ao móbil.
Como moito 3 avisos cada 24 horas, para que a veciñanza non se sature nin desactive as notificacións. Chega a máis xente ca os carteis e as redes sociais.
Fidelización conxunta
Premios de toda a rede que reparten as compras
Crea premios que o veciño consegue cos puntos sumados en calquera comercio asociado, sen tarxetas de papel.
- Podes esixir un mínimo de comercios distintos ou limitar os puntos que veñen dun mesmo comercio
- Canxéalo escaneando un código e, antes de confirmar, ves de que comercios veñen os puntos
Na rede demo: «Cesta del comercio local», para quen compre en polo menos 5 comercios distintos.
▶ Catálogo de premios da entidade ▶ Como canxear un premio acumulado da entidade
Imaxe da rede
Un escaparate sempre coidado
Revisas as fichas que crean os comercios: publícalas, pides cambios ou bloquéalas. Organizas as categorías coas que a veciñanza busca na rede.
A rede leva o seu propio nome, o seu logo, a súa imaxe e as súas cores.
▶ Como moderar as fichas dos comercios ▶ Categorías de comercio: crear e editar
Para os teus socios
Algo tanxible a cambio da cota
Cada comercio asociado ten incluídos ficha, ofertas, catálogo, chat cos clientes, os seus propios premios e as súas propias estatísticas.
Un argumento para reter os teus socios e para captar os que aínda non o son.
Subvencións
Pide a axuda, xustifícaa e pide a seguinte
A sección de financiamento público amosa á veciñanza que axudas financian a rede, coa publicidade que esixen os fondos da UE, o Estado, a comunidade autónoma ou a deputación. Xunto cos informes de impacto, facilita xustificar a axuda.
Ver axudas e subvenciónsXestión
Os comercios manteñen os seus datos; ti moderas e comunicas
Comparte a administración con outros membros da xunta directiva: convídalos ou quítalos cando cambie. Falas cos comercios por mensaxe directa e tes soporte dentro da app.
Prezo
Menos de 1 € ao mes por socio
Desde 1.440 €/ano + IVE para redes de ata 150 comercios. Con 150 socios, sae a 0,80 € ao mes por cada un.
| Comercios publicados | Plan anual | Plan mensual |
|---|---|---|
| Ata 150 | 1.440 €/ano (120 €/mes) | 150 €/mes |
| De 151 a 500 | 2.304 €/ano (192 €/mes) | 240 €/mes |
| De 501 a 1.000 | 3.840 €/ano (320 €/mes) | 400 €/mes |
| Máis de 1.000 | Consúltanos | |
Prezos sen IVE. O prezo depende dos comercios que publica a túa rede; para os comercios é gratis.
ao mes por comercio, + IVE, co plan anual
Plan de ata 150 comercios: 1.440 €/ano
Preparámosche a proposta para a túa xunta directiva
Pide unha demo. Amosámosche a app coa rede demo e deixámosche un documento listo para presentar e votar na xunta.
Ou escríbenos a infolocal@granasoft.es · 858 952 942